Croeso, f'enw i yw Cheryl Beer. Rwy'n Artist Sain Amgylcheddol ac yn Gyfansoddwr. Ar hyd y rhan fwyaf o'm gyrfa, roeddwn yn gerddor proffesiynol, yn cyfansoddi cerddi, yn symbylu cymunedau ac ymhen amser, roeddwn yn gyfarwyddwr creadigol ar ddigwyddiadau cerddorol mawr. Ond pan gollais fy nghlyw yn sydyn, a dioddef y cyflyrau cysylltiedig, newidiodd fy mywyd yn llwyr, gan fy ysbrydoli i gloddio'n ddyfnach a darganfod ffyrdd newydd o gyfansoddi drwy archwilio sonig distaw'r byd naturiol trwy sain weledol.
Dechreuodd hyn fel ymarfer iachaol, wrth i mi ailbwrpasu technoleg teclynnau clyw i nodiannu cerddoriaeth o fiorhythmau natur, ac arweiniodd at breswyliad blwyddyn fel Artist Sain yng Nghoedwigoedd Glaw Cymru. Yno cyfansoddais symffoni o dan y rhisgl a dyfodd yn organig yn ymgyrch rhyngwladol i rymuso llais ecolegau bregus ar draws y blaned. Ar ddiwedd 2023, ar ôl taith ryngwladol 18 mis gyda Symffoni'r Coedwigoedd Glaw Cân y Coed, cefais fy newis ar gyfer y Gymrodoriaeth Cymru’r Dyfodol glodfawr, i gynnal archwiliad creadigol i Gerddoriaeth dan arweiniad Natur a Chysylltedd Emosiynol.
Dechreuodd ymchwil fy Nghymrodoriaeth yn agos i gartref, ar y waliau amddiffyn rhag llifogydd yn Llanelli, lle bûm yn archwilio'r syniad o nodiannu cerddoriaeth o'r patrymau gweledol ar y traeth. Yn gyntaf, roedd y crychdonnau tywod aneirif yn debyg i farddoniaeth arallfydol, ond wrth eu hastudio'n fwy manwl, roedd y llwch du ynddynt yn rhoi rhybudd bygythiol – er i ni dybio bod ein systemau soffistigedig wedi rhoi stop ar erydu glan y môr, mae'r môr yn parhau i erydu ein hamddiffynfeydd, un gronyn du ar y tro. Roeddwn eisiau gwybod sut oedd y rhybuddion darfodedig hyn yn swnio: beth oedd y môr yn ceisio dweud wrthym yn barhaus?
Dechreuodd hyn fel ymarfer iachaol, wrth i mi ailbwrpasu technoleg teclynnau clyw i nodiannu cerddoriaeth o fiorhythmau natur, ac arweiniodd at breswyliad blwyddyn fel Artist Sain yng Nghoedwigoedd Glaw Cymru. Yno cyfansoddais symffoni o dan y rhisgl a dyfodd yn organig yn ymgyrch rhyngwladol i rymuso llais ecolegau bregus ar draws y blaned. Ar ddiwedd 2023, ar ôl taith ryngwladol 18 mis gyda Symffoni'r Coedwigoedd Glaw Cân y Coed, cefais fy newis ar gyfer y Gymrodoriaeth Cymru’r Dyfodol glodfawr, i gynnal archwiliad creadigol i Gerddoriaeth dan arweiniad Natur a Chysylltedd Emosiynol.
Dechreuodd ymchwil fy Nghymrodoriaeth yn agos i gartref, ar y waliau amddiffyn rhag llifogydd yn Llanelli, lle bûm yn archwilio'r syniad o nodiannu cerddoriaeth o'r patrymau gweledol ar y traeth. Yn gyntaf, roedd y crychdonnau tywod aneirif yn debyg i farddoniaeth arallfydol, ond wrth eu hastudio'n fwy manwl, roedd y llwch du ynddynt yn rhoi rhybudd bygythiol – er i ni dybio bod ein systemau soffistigedig wedi rhoi stop ar erydu glan y môr, mae'r môr yn parhau i erydu ein hamddiffynfeydd, un gronyn du ar y tro. Roeddwn eisiau gwybod sut oedd y rhybuddion darfodedig hyn yn swnio: beth oedd y môr yn ceisio dweud wrthym yn barhaus?
Gan ddefnyddio llyfr erwydd a phensil, dechreuais fraslunio patrymau'r crychdonnau ar gerddoriaeth ddalen, gan ddarganfod alawon wedi'u hysgrifennu ar gynfas y tywod, a gyfansoddwyd gan donnau'r llanw. Cefais fy ysbrydoli i ddechrau dyfeisio ymarfer creadigol a elwais yn Ddarlunio Sonig, sef cydweithio gyda natur i gyfansoddi cerddoriaeth drwy'r patrymau gweledol a wehyddir gan y byd naturiol – cewch brofi hyn wrth i chi ymuno â'm Llwybr Natur Sonig Artist Ymchwilydd.
Ar ôl gorffen camau cychwynnol fy ymholiad creadigol, es ati i gymhwyso’r pethau roeddwn wedi'u dysgu yng Ngardd Fotaneg Genedlaethol Cymru, lle rwy'n gweithio fel Artist Preswyl ar gyfer fy Nghymrodoriaeth Cymru’r Dyfodol. Yn ystod un ymweliad, mentrais i Waun Las, y Warchodfa Natur Genedlaethol gyfagos a reolir gan yr Ardd, ac wrth eistedd dan ganopi hen dderwen anferth 200 mlwydd oed, dechreuais greu Darlun Sonig o'r dirwedd anferth wrth iddi ymestyn tuag at yr awyr. Roedd yn brofiad mor hardd nes i mi gael fy llethu gan deimlad. Doedd dim angen technoleg arnaf i glywed alawon – gan fod Darlunio Sonig wedi dod yn rhan hanfodol o'm hymarfer creadigol, roeddwn yn gallu eu gweld, ym mhobman. Yng ngham nesaf fy Nghymrodoriaeth, dechreuais ymchwilio i ffyrdd cynhwysol o rannu fy nghasgliadau gydag eraill ac, yn bwysig, cofnodi eu hymateb i'm helpu i ddeall fy ngwaith yng nghyd-destun y gymuned ehangach. Roedd yr adborth hwn yn fy helpu i lunio Natur Sonig.
Natur Sonig : Synhwyro Gardd Cymru
Ar ôl cael llawer o sgyrsiau diddorol am yr amgylchedd gyda staff yr Ardd, gwirfoddolwyr ac ymwelwyr, dechreuais ar y Darlunio Sonig mewn pum man gwahanol, gan greu Llwybr Natur Sonig Artist Ymchwilydd hybrid sy'n eich gwahodd i brofi Darlunio Sonig ble bynnag y boch ac fel y gallaf innau weld sut rydych yn ymateb i'm gwaith. Mae'r Llwybr yn gasgliad o alawon a storïau dan arweiniad ein hecoleg sy’n fregus, yn frau ond eto'n wydn, gyda chasgliad ychwanegol o flogiau y tu ôl i'r llenni i roi dealltwriaeth ddyfnach i chi.
Eich Gwahoddiad ...
Hoffwn eich gwahodd i brofi fy Llwybr Natur Sonig Artist Ymchwilydd: Synhwyro Gardd Cymru. Gallwch ymuno’n hawdd a’i gyrchu ble bynnag y boch – drwy glicio ar y ddolen uchod. Cewch fideos yn Gymraeg, Saesneg a BSL, gyda lle i roi eich meddyliau a'ch myfyrdodau. Bydd eich cyfraniad yn helpu i lywio fy ngwaith yn y dyfodol. Wrth gwrs, gallwch hefyd gymryd rhan yn yr Ardd ei hun drwy sganio'r arwyddion â Chod QR ym mhob lleoliad. Neu efallai yr hoffech ymuno â mi yn yr Ardd yn ystod y flwyddyn ar gyfer y Daith Gerdded Ddistaw at y goeden 200 mlwydd oed neu eistedd gyda mi yn y Cwt Gwenyn i deimlo dirgryniad y cwch gwenyn dan eich croen ...
Eich Gwahoddiad ...
Hoffwn eich gwahodd i brofi fy Llwybr Natur Sonig Artist Ymchwilydd: Synhwyro Gardd Cymru. Gallwch ymuno’n hawdd a’i gyrchu ble bynnag y boch – drwy glicio ar y ddolen uchod. Cewch fideos yn Gymraeg, Saesneg a BSL, gyda lle i roi eich meddyliau a'ch myfyrdodau. Bydd eich cyfraniad yn helpu i lywio fy ngwaith yn y dyfodol. Wrth gwrs, gallwch hefyd gymryd rhan yn yr Ardd ei hun drwy sganio'r arwyddion â Chod QR ym mhob lleoliad. Neu efallai yr hoffech ymuno â mi yn yr Ardd yn ystod y flwyddyn ar gyfer y Daith Gerdded Ddistaw at y goeden 200 mlwydd oed neu eistedd gyda mi yn y Cwt Gwenyn i deimlo dirgryniad y cwch gwenyn dan eich croen ...
Os hoffech gael mwy o wybodaeth am wahanol agweddau ar fy ngwaith, fel yr amser a dreuliais yn Sefydliad Helmholtz yn cyfansoddi celf sain o alwad morfil danheddog yn y capiau iâ sy'n toddi yn Antarctica, neu ddarllen am fy mhrosiectau eraill, fel trefnu Symffoni'r Coedwigoedd Glaw Cân y Coed ar gyfer pumawd recorders bas, mae croeso i chi bori drwy dudalennau fy ngwefan. Hoffwn fanteisio ar y cyfle hwn i ddiolch i chi am eich diddordeb yn fy ymarfer creadigol ac am gymryd yr amser i ymweld. Os hoffech gael cipolygon rheolaidd, gallwch fy ychwanegu fel ffrind ar FACEBOOK – galwch heibio i ddweud helo – bydd yn dda cael cysylltu â chi. Cyfarchion cynnes, Cheryl.
'Ynghudd dan y cefnforoedd,
yn nyfnderoedd y moroedd, yn ymledu ar draws tirweddau,
yn canu dan risgl coed, mae alawon aneirif yn cysgu.'
yn nyfnderoedd y moroedd, yn ymledu ar draws tirweddau,
yn canu dan risgl coed, mae alawon aneirif yn cysgu.'
AELOD MYGEDOL O'R 100 O FENYWOD MWYAF ARLOESOL AM EI CHYFRANIAD I'R CELFYDDYDAU ( WWEN : 2020 )
Teilyngwr yng Ngwobrau Dewi Sant 2024 am ei Chyfraniad Diwylliannol Cenedlaethol a Rhyngwladol i Gymru.
Teilyngwr yng Ngwobrau Dewi Sant 2024 am ei Chyfraniad Diwylliannol Cenedlaethol a Rhyngwladol i Gymru.
|